Ria Atayde feeling lucky sa pagiging hands-on tatay ni Zanjoe Marudo
Ria Atayde, Zanjoe Marudo at Baby Sabino
PAREHONG hands-on nanay at tatay ang celebrity couple na sina Ria Atayde at Zanjoe Marudo sa kanilang panganay na anak na si Baby Sabino.
Sinisiguro raw nila na kahit may kanya-kanya silang ganap sa kanilang respective career ay nabibigyan nila ng sapat na panahon ang pag-aalaga sa anak.
Nakachikahan ng BANDERA si Ria sa naganap na premiere night ng Tagalized version ng hit Korean movie na “Picnic” sa Gateway Cinema mula sa kanilang production company na Nathan Studios.
Dito, kinumusta nga namin ang kanyang pagiging nanay, “I love it! Yeah, I’m loving it. I mean, you know, it’s equally challenging and rewarding.
“It’s you know, pushing you to limits na hindi mo alam na kaya mo pala and all of that. Yeah, I take it day by day lang talaga para hindi siya nakakalula,” pahayag ng wifey ni Zanjoe.
Sundot na tanong namin sa aktres at celebrity mom, hands on daddy din ba ang kanyang asawang si Zanjoe kay Baby Sabino.
“Yeah, super! He’s great, as in I’m glad na he’s my partner in all of this in figuring out parenthood. Kasi he’s been nothing but supportive and great help. Yung I’ve never felt I’m alone.
View this post on Instagram
“I’m able to do things pa rin for myself because he’s there, you know, like saluhan. It’s nice,” sagot ni Ria.
Sa premiere night ng “Picnic”, katuwang din ni Ria ang inang si Sylvia Sanchez sa pag-aasikaso sa kanilang mga invited guest. Pero sabi ni Ria work from home pa rin daw siya until now.
“Medyo nakakalabas-labas na po talaga now. But still, mainly at home. Not really…just for this. Kasi, obviously, I have to be here for Nathan,” aniya.
Magkatulong daw sila ni Sylvia sa pagpapatakbo ng production company ng kanilang pamilya, “Yung mga behind-the-scenes work that we do. I still continue to work on it. Things I can do at home, mainly our meetings, ganyan.
“I get to go to meetings, I just can’t do anything that takes me out of the house longer than siguro three to four hours, ganyan.
“Ideally kasi, I wanna make my baby breastfeed until he’s a year old. So maybe, I’m already what, seven months in. So, five more months.
“Basta I don’t wanna leave the baby kasi din. Mahirap pa talaga since we’re breastfeeding,” ani Ria.
Samantala, bilib na bilib si Sylvia sa kanyang anak dahil kahit nga busy sa pag-aalaga kay Sabino ay nabibigyan pa rin niya ng panahon ang Nathan Studios.
Sa katunayan, ang anak niya talaga at nag-asikaso ng pa-premiere night nila sa “Picnic’, “Si Ria na, kasi di ba? Nakapanganak na. So, si Ria na talaga. Yung nakita n’yo na video kanina, si Ria na gumawa nu’n. Concept na niya.”
Kabilang sa nag-dub ng Tagalized version ng “Picnic” sina Nova Villa, Ces Quesada, Bodjie Pascua, Fyang Smith, at JM Ibarra.
Ibinalita naman ni Ibyang na nakatakda silang umalis pa-Cannes International Film Festival, dahil sila rin ang magdi-distribute ng Japanese film na “Renoir” na ka-join sa main competition sa Cannes.
“May 15, pupunta na naman ako ng Cannes kasi, nakita nyo yung Renoir na pelikula ipinakita kanina? Kasama siya sa competition.
“Nakapasok siya sa main competition ng Cannes. Na-co produce namin sa Japan with Alember Ang. Pupunta kami dun sa competition,” ani Sylvia.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.