KCC ibabandera ang Jinju Silk Lanterns na sikat na sikat sa Korea
PHOTO: Screengrab from web
MAGKAKAROON ng nakakabighaning summer experience ang Korean Cultural Center in the Philippines (KCC)!
Simula sa May 24 hanggang July 31, babandera ang makulay at makislap na exhibit na “Lights of Korea: Jinju Silk Lanterns.”
Tampok diyan ang mga kahanga-hangang silk lanterns mula sa Jinju, isang lungsod sa South Korea na kilala sa kanilang daan-daang taong tradisyon ng paggawa ng seda o “silk.”
Ang nasabing event ay libre lang at bahagi ng 2025 Touring K-Arts Program ng Ministry of Culture, Sports and Tourism ng Korea at Korea Foundation for International Cultural Exchange.
Baka Bet Mo: KCC may pa-‘short film’ contest para sa students, ang winner lilipad pa-Korea
Ang festival lanterns sa Jinju ay napakasimple, pero ngayon, kinikilala na ito bilang isang natatanging anyo ng sining sa buong mundo.
At sa unang pagkakataon, babandera na rin ito sa Pilipinas!
Ilan lamang sa mga ganap sa exhibit ay ‘yung DIY (do it yourself) lanter na maaari ring iuwi bilang souvenir.
At kung dadalo ka sa opening day sa May 24, may espesyal na Mini House Concert sa ganap na 2:00 p.m. tampok ang mga tradisyonal na Korean performers.
Inaasahan ng KCC na dahil sa nasabing exhibit, lalong mapalalim ang cultural connection sa pagitan ng Korea at Pilipinas.
Pagkatapos ng Manila stop, dadalhin pa ang “Lights of Korea: Jinju Silk Lanterns” sa iba pang bahagi ng Southeast Asia tulad ng Indonesia at Vietnam.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.