Sofia Andres nilaro ng netizens, nirekomenda si Rudy Baldwin bilang PA
BENTANG benta ngayon sa madlang pipol ang mga kwalipikasyong hinahanap ng aktres na si Sofia Andres sa kanyang susunod na personal assistant o PA.
Viral ngayon sa social media ang screenshot ng paghahanap ng aktres ng susunod na personal assistant na may nakakalolang qualifications.
Saad ni Sofia, “Now hiring a Personal Assistant who can read my mind, organize my chaos, and remind me where I left my coffee (and my schedule).”
“Must be 10 steps ahead, stylishly sharp, and allergic to ‘I forgot.’ Think that’s you? Slide into the inbox-applications open, excuses closed.”
Baka Bet Mo: Sofia Andres kinuyog dahil sa hinahanap na personal assistant: Grabe ka teh!
View this post on Instagram
Makikita nga rin sa naturang IG story ang e-mail address kung saan magpapadala ng kanilang resume.
Kaya naman hindi na kataka-takang marami sa mga netizens ang pumatol at nag-recommend sa paandar ng aktres kung sino ang dapat niyang kuning PA.
Comment ng isang netizen, “Pagkakataon mo na to, Rudy Baldwin.”
“C Baldwin ang dapat niyang e-hire. Hndi lang isip niya ang kayang e-predict, kundi ang buong Pilipinas. Charottttttt,” sey ng netizen na ibinahagi rin ni Sofia sa kanyang IG story.
“Kunin mo na si Rudy Baldwin, iniisip mo pa lang, basa na niya agad,” chika pa ng isa.
Hirit naman ng isa, “Dalawa lang ‘yan, Sofia. Kung hindi si Rudy Baldwin, si Quiboloy na. Mamili ka na lang mami.”
“Kung ayaw mo kay Rudy, si Master Hanz na lang. Pati kapalaran mo kaya n’yang basahin,” sabi pa ng isang netizen.
Ibinahagi naman ni Sofia ang mga e-mails na natanggap niya na nag-a-apply bilang kanyang future PA.
Wala pa namang update ang aktres kung may napupusuan na siya sa mga nag-a-apply sa kanya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.