Moonstar88
KUNG may kanta na tumatak sa bawat kabataang umibig, nasaktan, at nagmahal muli…walang duda, “Torete” ‘yan!
Kaya naman, isang espesyal at pasabog na concert ang inihandog ng Moonstar88 sa pagdiriwang ng ika-25th anniversary ng iconic na kanta.
Ang tribute concert ay tinawag na “Moonstar88: 25 Years of Torete” na ginanap noong Sabado, May 24 sa Eton Centris Walk, Quezon City.
Sa pangunguna nina Maysh Baay (vocals at gitara), Bon Sundiang (drums), at Herbert Hernandez (lead guitar), muling binuhay ng banda ang mga awiting tumatak sa puso ng Pinoy, lalo na ang kantang naging simbolo ng pag-ibig na parang rollercoaster –ang “Torete.”
Baka Bet Mo: Moonstar88 may libreng performance sa kasal ni Carlos Yulo: ‘No pressure!’
“Torete was born out of raw, unfiltered emotion—and maybe that’s why people keep coming back to it,” sey ni Herbert.
Patuloy niya, “I think every generation has felt that kind of vulnerability and intense love at least once in their lives. It’s a song na hindi nagpapanggap, and that honesty keeps it alive.”
Kung matatandaan, unang narinig ang kanta sa “Popcorn” album na inilabas noong 2000 at hanggang ngayon ay tila hindi ito kumukupas.
Ang bungad naman ni Maysh, “Songs are like people: they grow deeper with time.”
“Musically, we’ve explored different arrangements of Torete over the years, but emotionally, the impact is even more powerful now. Every time we perform the song, we carry with us the entire journey—from college gigs to major stages, from heartbreaks to healing,” paliwanag pa niya.
Siyempre, hindi basta-basta ang concert ng Moonstar88, mas pinasaya at pinasenti ang gabi dahil sa orchestral twist!
Yes, mga beshie, may live string at bass sections in collaboration with Jonathan Cruz at Metro Manila Concert Orchestra.
“This has long been a dream of ours,” kwento pa ni Herbert.
Dagdag niya, “We’ve always wondered, what if Moonstar88 had a string or brass section? We would often imagine how our songs might sound with a broader, more expansive musical arrangement. The idea first took place when we released our EP, Strings Attached. Why don’t we try performing with an orchestra?”
Bago matapos ang bonggang concert, marami ang naka-realize na ang “Torete” ay hindi lang kanta, isa itong damdamin at alaala na madalas nating babalik-balikan.
At kahit 25 years na ang lumipas, mas buhay pa rin ito sa puso ng bawat Pinoy.