LIST: Mga pelikula sa Hunyo kumpleto rekados, Pinoy classics babandera rin
TILA kumpleto sa rekados ang aabangang mga pelikula sa mga lokal na sinehan para sa buwan ng Hunyo!
Ang mga babandera kasi ay mula Pinoy classics nina Nora Aunor at Vilma Santos, hanggang sa comeback killer doll na si M3GAN at ang racing bida mode ni Brad Pitt.
Narito ang listahan ng mga agaw-eksena this month:
Baka Bet Mo: ‘Superman’ lilipad pa-Pinas, mga bida at direktor ng pelikula darating sa June 19
T-Bird at Ako
PHOTO: Courtesy of Ayala Malls Cinemas
June 4 pa lang, parang biritan na sa aktingan ang matutunghayan sa big screen!
Ipapalabas sa Ayala Malls Cinemas ang “T-Bird at Ako” na pinagbibidahan ng nag-iisang Superstar na si Nora Aunor at Star for All Seasons na si Vilma Santos.
Dito, abangan ang makapangyarihang kwento ng abogadang si Sylvia at ang dancer na si Sabel.
Mga Anak ni Facifica Falayfay
PHOTO: Courtesy of Ayala Malls Cinemas
Back-to-back movie ng “T-Bird at Ako,” ang 1987 classic film ni Dolphy na “Facifica Falayfal” na masisilayan din sa Ayala Malls Cinemas.
Tampok din diyan sina Roderick Paulate, Zsa Zsa Padilla, Lotlot de Leon, Eric Quizon, at Rolly Quizon.
Ang pelikula ay isang balik-tanaw sa kwento ni Rodrigo (Roderick Paulate) na grappling with identity at acceptance.
How to Train Your Dragon
PHOTO: Courtesy of Universal Pictures
Isa sa mga inaabangan na pelikula ay ang live-action adaptation na “How to Train Your Dragon.”
Ipapalabas na ‘yan sa darating na June 11 sa mga lokal na sinehan.
Ang kwento ay focus pa rin kay Hiccup na isang awkward Viking kid na makikipagkaibigan sa pinakakinatatakutang dragon sa Berk na si Toothless.
28 Years Later
PHOTO: Courtesy of Columbia Pictures
Pagdating ng June 18, mukhang kailangan niyo ng strong stomach at matibay na heart upang mapanood ito!
Magbabalik na kasi ang rage virus na unang nagpasigaw sa atin noong “28 Days Later”!
Pero ngayon, mas malala, mas madilim, at mas nakakakaba ang bagong horror film na “28 Years Later.”
With Jodie Comer and Ralph Fiennes, expect mo na horror meets survivor ang drama na tiyak titindig ang balahibo mo!
M3GAN 2.0
PHOTO: Courtesy of Universal Pictures
Sa June 25 naman, magbabalik ang favorite killer AI doll!
Pero sa latest movie na “M3gan 2.0,” may kasama na siya! Kaya maliban sa upgrade, mukhang nag-level up na rin ang pelikula sa gigil, gulo, at gulatan.
F1 The Movie
PHOTO: Courtesy of Warner Bros. Pictures
Para naman sa mga mahilig sa sasakyan at pagalingan sa race track, ipapalabas na rin sa June 25 ang “F1 The Movie!”
Pagbibidahan ito ni Brad Pitt bilang Sonny Hayes, na dating F1 legend na bumalik sa karera para iligtas ang team ni Javier Bardem.
Maliban kina Brad at Javier, tampok din sina Damson Idris, Kerry Condon, Tobias Menzies, at Kim Bodnia.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.