Robin Padilla dinisiplina sina Queenie at Kylie na parang mga sundalo

Kylie Padilla, Robin Padilla at Queenie Padilla

PINALAKI at dinisiplina ni Sen. Robin Padilla ang mga anak niyang sina Queenie at Kylie Padilla na parang mga lalaki.

Para raw nag-training bilang mga sundalo sina Queenie at Kylie noong kanilang kabataan kaya naman lumaki silang matapang at independent.

Nakachikahan ng misis ni Sen. Robin na si Mariel Rodriguez si Queenie (stepmother niya) sa Father’s Day special ng vlog nito kung saan napag-usapan nga nila ang tungkol sa pagiging tatay ng actor-politician.

“He trained us like actual soldiers. He would wake us up in the morning; we would jog, we would train,” pagbabahagi ni Queenie na nag-artista rin noong kanyang teenage days.

Pagpapatuloy ng anak ni Binoe kay Liezl Sicangco, “When I turned 15 and my sister was 13 at that time, he brought us to Thailand, and we trained in Muay Thai for three months. We were like boys.”

 

View this post on Instagram

 

A post shared by mariel padilla (@marieltpadilla)

Ayon pa kay Queenie, kakaiba man ang parenting style ni Sen. Robin sa kanilang magkapatid ay nagpapasalamat siya rito dahil sa paghubog sa kanyang pagkatao.

“Hindi ako magiging ganito kung hindi niya ako dinisiplina nang ganu’n. I guess in terms of discipline, my dad was like perfect,” sey pa ng sister ni Kylie.

Samantala, isang mabuting tatay daw si Robin sa kanyang mga anak pati na sa ibang tao, sey ni Queenie.

Aniya, si Sen. Robin daw ang buhay na patunay ng pagiging isang mabuting Muslim, “Everybody calls him a bad boy. Pero deep inside, he’s actually the kindest human being. He is really a living example of a good Islam.

“Kasi part of worship is through action. In the Quran, we have the word ‘mawadda.’ It’s like love and more than love. And my dad is like an epitome of that word,” pagmamalaki pa niya sa ama.

Inilarawan din ni Queenie ang tatay niya bilang matapang, responsable at hindi corrupt.