Charo Santos nasabihang ‘heartless’ ni Jim Paredes noon, anyare?
IBINANDERA ng veteran actress at media executive na si Charo Santos na minsan siyang natawag na “heartless” ng APO Hiking Society member na si Jim Paredes.
Sa kanyang Instagram page ay isang video ang kanyang ibinahagi kung saan ikinuwento noya ang emotional side sa kanyang pagtatrabaho sa showbiz industry.
Ani Charo, mga mid-’90s nang magkaroon sila ng engkwentro ni Jim na nag-iwan ng malaking impact sa kanya.
“It was in 1995, a lot of you weren’t born yet, but there was a program called Tatak Pilipino, and it was hosted by Jim Paredes and Gel Santos-Relos.
Baka Bet Mo: MMK ni Charo Santos babalik na; Elijah bida sa life story ni Sofronio Vasquez
View this post on Instagram
“Alam niyo, maganda yung programa, award-winning. It ran on for a year. Then after a year, medyo bumaba yung ratings, and then the advertisers started to disappear,” pagbabahagi ni Charo.
Ito nga ang naging dahilan kung bakit na-cancel ang show noon sa pag-ere.
Noon raw ay naatasan si Charo na sabihin kina Jim at Gel ang malungkot na balita.
“I met with Jim and Gel at sinabi ko yung reasons behind it, tinanggap naman nila.
“I thought everything went well until one day, we were having a team building naman with APO Hiking Society when Jim suddenly blurted out, ‘You know, Charo, you’re so heartless,'” kuwento niya.
Nabigla nga raw siya sa sinabi ng singer at kinuwestiyon ang singer sa ginawang akusasyon sa kanya.
“Nabigla ako, parang, ‘Why are you saying that? Anong nagawa ko?’ Sabi niya, ‘You couldn’t even wait. I mean, when you cancelled Tatak Pilipino, it was my birthday.’ Oh my God, natunaw ako sa hiya, and I said sorry so many times,” dagdag pa ni Charo.
Dahil doon ay nag-reflect siya sa pangyayari at napaisip ang mga bagay na nao-overlook ng mga tao sa paggawa ng corporate decisions.
“I realized that talents are not just a cog in the showbiz machine; they’re persons who get hurt,” sey pa ni Charo.
At ang insidenteng ito ay dinala na niya bilang araw ba palagi niyang tatandaan.
“I took note of all the birthdays of all our talents and from then on, we never cancelled a program on any of their birthdays,.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.