Bimby hindi muna magsho-showbiz, mas gustong magtapos ng pag-aaral para maging lawyer

PHOTO: Facebook/Bimby Aquino

SA ikalawang bahagi ng panayam ni James Aquino Yap o Bimby sa mag-amang Ogie at Erin Diaz ay napag-usapan na isinantabi muna niya ang pagpasok sa showbiz.

Dahil prayoridad ng binata ang pag-aalaga sa inang si Kris Aquino, lalo’t may na-detect na bagong autoimmune diseases -bukod pa sa Autoimmune Thyroiditis, Chronic Spontaneous Urticaria, EGPA, Systemic Sclerosis/Scleroderma, Lupus, Rheumatoid Arthritis, Fibromyalgia, Polymyositis, at Mixed Connective Tissue Disease.

Sey niya, “Thank you po talaga for waiting for me to enter showbiz.”

Anong plano mo, babalik ka sa school?

Baka Bet Mo: Bimby ipinakilala na kay Kris ang special friend: Type na type siya ni Mama!

Mabilis na sagot ng binata, “School muna, taking care of mama, next year college na ako, tito Ogie, I’m old na, ha, ha, ha, ha.”

Tinanong ni Ogie kung binati na si Bimb ng tatay niyang konsehal sa San Juan City na si James Yap Sr.

“He doesn’t have my number, eh and he posted which is very good naman, yeah,” sambit ng anak ni konsi James.

Tanong ni Ogie kung sumagot si Bimb sa pagbati ng ama, “I don’t comment, eh, saka wala akong facebook.”

Dagdag pa, “May fan page, pero Bimby Aquino kaya people think it’s me, so sinasabi nila, ‘Bimby happy birthday’ ha, ha, mga ganyan but super sweet that fan page.  One of my tito’s nga, ‘happy birthday Bimb’ tinext ko siya, ‘Tito it’s not me!’ Ha, ha, ha.  Supporter talaga, whoever you are po, salamat talaga.”

Sa susunod na taon ay papasok na ng kolehiyo ang binata at ang kukunin niyang kurso, “Legal management, tito Ogie para maging lawyer na ako.  Imagine mo, ‘Atty Bimb’ ha, ha, ha, imagine mo?”

Tanong kaagad ni Ogie, “Ay gusto mong maging lawyer?”

“Diverse, e.  Let’s be honest sa business, sa politics, and showbiz also,” paliwanag ng binata.

Papasukin ba ni Bimby ang politika, lalo’t naging Presidente ng Pilipinas ang lolang si Gng. Corazon C. Aquino at tiyuhing si Noynoy Aquino at dating senador ang lolong si Ninoy Aquino at iba pang kaanak na kasalukuyang may posisyon ngayon sa gobyerno.

Sambit ni Bimby, “It’s always ang option, eh, sabi ni lola (Corazon) and my mom said and my family who entered politics,‘it’s a calling eh.”

Patuloy niya, “Siyempre it’s not an easy job, but it’s a job that can help so many people. Alam mo naman sa politika hindi naman toxic tito Ogie but you have to be careful talaga, there’s a saying na, ‘there’s no permanent friend in politics, and there the wind blows you have to be careful talaga.

“That’s the sad truth talaga, sobrang rare po na you get a friend like tito Ogie na kahit hindi na sa showbiz si mama, always makes kamusta and ate Erin also.”

Pinuri ni Ogie ang mga anak ni Kris Aquino na sobrang respectful kaya nagpasalamat si Bimby.

Anyway, inamin ng binata nina Kris at James na choosy siya pagdating sa babae at kailangan approve muna ng mama Kris niya.

“Oh yeah, tito Ogie. ‘Di ba there’s a saying na once you marry a guy, you marry his father as well, ‘di ba?” diretsong pahayag ni Bimby.