Agree kayo, Winwyn Marquez dasurve manalong Miss Universe PH 2025?

Winwyn Marquez

NAGPASALAMAT ang Kapuso actress at beauty queen na si Winwyn Marquez sa kanyang anak na si Luna, ilang oras bago naganap ang pagpapatuloy ng Miss Universe Philippines 2025 preliminaries.

Nakasama kasi ni Winwyn ang anak sa huling bahagi ng preliminary competition ng naturang national pageant kung saan rumampa siya para sa National Competition segment.

Ayon sa aktres, feeling thankful and grateful siya dahil naging bahagi rin ng kanyang pageant journey ang kanyang nag-iisang anak na magse-celebrate rin ng kanyang 3rd birthday ngayong araw, May 1.

Sa pamamagitan ng kanyang Instagram page, binati ni Winwyn ang anak sa kaaraawan nito.

“Tomorrow is your big day but you’ll be spending it with me sa national costume show ng MUPH. Thank you for sharing your birthday with Mama,” ang bahagi ng caption ni Winwyn sa kanyang IG post.

Pagpapatuloy ni Winwyn, “You are such a blessing to us… You and Dada are my strength, and I know I wouldn’t be doing this with so much passion if it weren’t for you.”

 

View this post on Instagram

 

A post shared by Bandera (@banderaphl)

Nag-promise rin ang Kapuso star kay Luna na ibibili niya ito ng mas maraming cake at bread na favorite nito. Bukod dito, ipinangako rin niya kay Luna na pupunta sila sa Disneyland very soon.

Sa isa pang hiwalay na post sa IG, ibinahagi rin ni Winwyn ang photo nila ng anak kasama ang kanyang partner na kuha sa Okada Manila, kung saan gaganapin ang ika-3 kaarawan ni Luna.

Sey niya sa caption, “April 30. Today marks the day I became a mother. That moment changed me. I knew I could handle whatever came next.”

In fairness, marami kaming nababasang comments mula sa netizens na deserving si Winwyn na manalong Miss Universe Philippines 2025 base sa performance nito sa preliminary competition.

Isa raw sa mga palatandaan na malakas ang laban ng aktres sa pagsabak sa Miss Universe Philippines ay ang paghakot niya ng special awards sa naganap na pageant preliminaries.