Jericho Rosales nagbabala sa poser: We will look for you and we will find you!

PHOTO: Instagram/@jerichorosalesofficial
NAGKAROON ng warning ang isang fake social media account na nagpapanggap na si Jericho Rosales.
Sa pamamagitan ng Instagram Story, ibinandera ng batikang aktor ang screenshot ng isang Facebook account na may pangalan niya at mismong mukha niya rin ang nasa profile picture.
Ang nakakagulat pa ay umabot na sa two million followers ang nasabing account.
Dahil diyan, sey ng aktor sa caption: “We don’t know who you are. But we know what you want.”
Baka Bet Mo: Jericho Rosales mas magiging ‘bold’ ngayong 2025: More fearless!
Siningitan pa niya ito ng linya na tila galing sa pelikulang “Taken,” “We do have a very particular set of skills we have acquired over a very long career. Skills that make us a nightmare for people like you.”
Kasunod niyan, nagbabala si Echo na burahin ang account bago pa lumala ang sitwasyon.
“We will look for you and we will find you. But if vou take this down FAKE ACCOUNT, we will not pursue you and that will be the end of it,” aniya.

PHOTO: Instagram Story/@jerichorosalesofficial
As of this writing, hindi na namin makita ang nasabing account –posibleng binura at tinanggal na ito ng poser.
Samantala, hindi ito ang unang beses na may celebrity na nag-post ng fake accounts online.
Ilan lamang sa nagkaroon din ng poser noon ay sina Andi Eigenmann at Jennica Garcia.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.