Jericho may ipinagtapat sa burol ni Pilita Corrales: I’m Janine’s boyfriend!
PHOTO: Instagram/@jerichorosalesofficial
IBINANDERA ni Jericho Rosales ang pagiging supportive boyfriend niya kay Janine Gutierrez na nagluluksa dahil sa pagpanaw ng kanyang Mamita na si Pilita Corrales.
Magugunita noong April 12 nang mabalitang pumanaw na ang tinaguriang Asia’s Queen of Songs sa edad na 85.
Ginanap ang burol ng showbiz icon sa The Heritage Memorial Park sa Taguig City kung saan maraming celebrities ang dumalaw upang makiramay.
Kabilang na nga riyan si Jericho na nagbigay pa ng maikling mensahe bago maghandog ng kanta sa mismong burol, na in-upload ng content creator na si Ecy Rapadas sa isang Facebook post noong April 17.
Baka Bet Mo: Jericho, Donny, Bianca, ibang celebs nakiramay sa pagpanaw ni Pilita Corrales
Sey ng aktor sa viral video, “I’m here because I am supporting an amazing family…If you want a definition of a family, this is the family.”
Kasunod niyan ay very proud niyang inanunsyo na girlfriend niya si Janine na kinakiligan naman ng mga nandoon sa venue.
“I’ve been so honored to just, you know, that I’ve been spending time with them, ‘cause I’m Janine’s boyfriend. Let’s just put it out there,” sambit niya na maririnig ang hiyawan sa background.
Kasunod niyan ay ikinuwento naman ng aktor ang kanyang ina na kahit may Alzheimer’s ay idol na idol si Pilita.
“My mother has Alzheimer’s and she loves to sing a lot and the songs that she sings are songs of Pilita Corrales, so I always say that her songs just go beyond memory because it is embedded in her heart,” kwento niya.
Patuloy na chika ni Jericho, “Everytime Janine goes to the house, mag-iiyakan sila ng 45 minutes because mama would sing PIlita Corrales songs to her and they’ll just cry and so I let them cry.”
Sa huli bago maputol ang video, sinabi ni Jericho na ang kakantahin niya ay ang “Paglisan” na inilarawan niyang “perfect picture of love.”
Sa comment section, maraming netizens ang kilig na kilig kung paano ipinagsigawan ni Jericho na girlfriend niya si Janine.
Narito ang ilan sa mga nabasa namin:
“Proud boyfriend soooo kilig!”
“So it just shows how close Echo is close to Janine’s family and how close Janine is to his mom! Kudos to you Echo! You are the man!!! [clapping hands, thumbs up emojis]”
“Proud boyfriend mahal na mahal niya si Janine [red heart emoji]”
“Bravo ka Echo!! Super kilig ka Echo.”
Kung matatandaan, August last year nang aminin ng batikang aktor ang real score nila ni Janine matapos silang ilang beses mahuling magkasama sa ilang dating spots.
Nabanggit din niya sa isang panayam na parang tumama siya sa lotto dahil na-meet na rin niya ang buong pamilya ng aktres.
Naibunyag din ng dalawa na nagsimula silang magkadevelopan nang magsama sila sa Kapamilya series na “Lavender Fields” bilang mag-asawa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.