Alden Richards kinausap, niyakap ni Tom Cruise nang magkita sa Korea
Tom Cruise at Alden Richards
ISA sa most “surreal” moments sa buhay ng Asia’s Multimedia Star na si Alden Richards ang makita up close and personal ang Hollywood superstar na si Tom Cruise.
Hanggang ngayon ay hindi pa rin makapaniwala ang award-winning Kapuso actor na nakaharap, nakausap at nayakap niya ang kanyang idol.
Nangyari ang kanilang pagkikita recently sa premiere ng bagong pelikula ni Tom Cruise na “Mission: Impossible: The Final Reckoning” sa Seoul, South Korea.
Sa ulat ng GMA, matapos ang encounter nila ni Tom, sinabi ni Alden na mas na-inspire pa siyang pagbutihin at palawakin ang kanyang showbiz career, hindi lang bilang isang artista at producer.
“I have watched all the Mission Impossible films, and I am so impressed with how he takes his craft very seriously, but more importantly, nakita ko siya as a person during that time that I have met him,” pagbabahagi ng Kapuso star.
View this post on Instagram
Mas tumaas pa raw ang respeto at paghanga niya kay Tom Cruise pagkatapos masaksihan nang personal kung paano pahalagahan ng Iinternational actor ang kanyang mga fans at mga katrabaho.
“Paglapit ko sa kanya, I basically told him that my name is Alden Richards, I am an actor from the Philippines and I have been in the industry for 15 years.
“Can I just say that because of you, I have so much passion for the craft, especially when I do action scenes for different projects.
“I don’t ask for stunt doubles because you do all your stunts.
“Because of you, I wanted to train and to be a reservist pilot for the Philippine Air Force, and because of Top Gun Maverick,” lahad pa ni Alden.
Ayon pa sa aktor at TV host, talagang sinabi raw niya kay Tom Cruise na nais niya itong makatrabaho at sana’y dumating raw ang panahon na yun very soon.
After daw ng kanilang ilang minutong pag-uusap ay niyakap siya ni Tom at nag-pose na nga sila para sa isang photo opportunity.
Kasunod nito, nagpasalamat din si Alden sa Paramount Pictures Philippines na siyang nagbigay ng chance sa kanya na ma-meet si Tom nang harapan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.