Chloe San Jose gustong gawing ‘private’ ang kasal nila ni Carlos Yulo
Chloe San Jose at Carlos Yulo
IBINALITA ng social media personality na si Chloe San Jose, na certified singer na rin ngayon, na totoong napag-uusapan na nila ni Carlos Yulo ang pagpapakasal.
Iyan ang inamin ni Chloe sa isang panayam nang matanong tungkol sa estado ng relasyon nila ngayon ng 2-time Olympic gold medalist na si Caloy.
Napag-usapan muli ang love story ng celebrity couple dahil sa ni-launch na debut EP ni Chloe na may titulong “Chloe Anjeleigh…For Real” mula sa Star Pop under Star Music.
Ilan sa mga track sa EP ng dalaga ay mga love song, kabilang na ang isinulat ng hitmaker na si Rox Santos, na ayon mismo kay Chloe ay inspired by her real-life romance with Carlos.
Limang taon nang magdyowa ang dalawa kaya naman marami ang umaasa na sa kasalan din mauuwi ang kanilang pagmamahalan.
“Well, we talk about it naman. But we don’t wanna rush also. We don’t want to make it too social media-ish.
“We kind of want to make it private lang muna and then everybody eventually will know naman,” sabi ni Chloe.
View this post on Instagram
Samantala, puno ng confidence at pagmamahal si Chloe o SJ sa kanyang bagong lunsad na debut extended play (EP) na “CHLOE ANJELEIGH…For Real.”
Umiikot ang mini album sa tema ng pagiging authentic at pagmamahal na sumasalamin sa naging karanasan at perspektibo ni Chloe sa buhay.
Bukod sa unang singles niya na “FR FR” at “Nonchalant,” tampok din dito ang mga bagong awitin na “Iyo,” “Something Right,” “Tanim,” “Dulo ng Bahaghari,” at “Shush” na mula sa over-all production ng StarPop label head na si Roque “Rox” Santos.
Sa key track na “Iyo,” ibinahagi ni Chloe ang saya ng damdamin matapos matagpuan ang kanyang true love. Isinulat ito ni Trisha Denise at iprinodyus ni Roque “Rox” Santos.
Bago ilunsad ang kanyang debut EP, nagsimula si Chloe sa paggawa ng song covers sa social media. Sa kasalukuyan, may halos 500,000 subscribers siya sa YouTube at mahigit 1.3 million followers sa TikTok.
Noong 2021, inilabas niya ang single na “Aking Pagmamahal” na umani ng mahigit 1.8 million streams sa Spotify at 30 million views sa YouTube.
Sabi ni Chloe, “I’m just so grateful, always, and thankful. And it’s a full circle moment, everyone being here, it’s such a blessing po.
“We had to pick from a pool of songs and then we ended up coming up with seven songs pa for this EP. I think it took us two or three days to record everything. And then, yeah, ‘yun na. Like, polishing na lang,” aniya pa.
Pagpapatuloy ng singer-vlogger, “Sa family ko po wala talagang singers, but some of them knew how to sing. Pero professional or mga kontesera, no talaga. Bata pa lang ako talaga, pinapakanta nila ako sa karaoke, but just for fun.
“Then they got me to sing on YouTube, tapos guitar-guitar ako, piano, tapos puro cover songs lang,” sabi pa ni Chloe.
Napapakinggan na ang “CHLOE ANJELEIGH…For Real” EP sa iba’t ibang streaming platforms. Para sa ibang detalye, sundan ang StarPop sa Facebook, X (Twitter), Instagram, at TikTok.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.