Donny nag-explain sa pagpindot ng golden buzzer kay Esay Belanio sa PGT
Esay Belanio at Donny Pangilinan
NAKATANGGAP ng standing ovation si Esay Belanio mula sa “Pilipinas Got Talent” judges na sina G. Freddie M. Garcia, Kathryn Bernardo, Eugene Domingo, at Donny Pangilinan na lahat at bumoto ng “yes.”
Pero iba ang isinigaw ng audience sa studio ng “PGT” – “Golden buzzer!” Maging si Eugene ay humarap kay Donny at isinigaw ang “golden buzzer.”
Komento ni Donny, “Esay! You are a rockstar! Tinanong kami sa presscon namin (launching ng PGT), ano ba ang hinahanap n’yo, ang sinabi ko, ‘I wanna see how bad they want it.’
“At kitang-kita ‘yun sa mga mata mo, sa performance mo, sa nuisance mo, nandoon ‘yung passion alam mo ‘yun? Congratulations that was really special. Honestly pag napanood ‘tong performance sa tingin ko ha, your life will never be the same,” sabi ng aktor.
Panay ulit ang hiyawan sa loob ng studio ng “golden buzzer” at maging sina Eugene at Kathryn ay nakatingin na kay Donny kung ano ang final decision nito at maging si Esay ay hindi na halos humihinga kung ano ang final verdict sa kanya.
View this post on Instagram
Seryosong sabi pa ni Donny, “Alam mo kasi tumataas pa ‘yung balahibo ko sa performance mo. I think your decision to move from Iloilo (hometown ni Esay) going here to pursue music was a right choice (sabay pindot ng golden buzzer).”
Napahiyaw sina Kath at Eugene samantalang si FMG naman ay nakangiti lang as usual habang pumapalakpak silang lahat at si Esay ay tila kandilang naupos at napaupo na sa entablado. Pinuntahan siya ng ina at niyakap. Pinuntahan ni Donny ang mag-ina at muling bumati ng, “Congrats Esay!”
Samantala, ayon kay Donny, nasabi na raw niya ito sa launching ng “PGT” na mukhang hindi singer ang hinahanap niya bilang isa sa judges ng reality show ng Kapamilya channel.
“Sabi ko, feeling ko hindi singer ang igo-golden buzzer ko kasi marami na tayong singers dito pero hindi lang siya singer, eh, she’s a performer, she’s a star, she’s something special,” say ni Donny kung bakit ibinigay niya ang golden buzzer kay Esay.
Sa pagkakaalam namin ay si FMG na lang ang hindi pa nagpapakawala ng kanyang golden buzzer dahil nagamit na ito nina Kathryn, Eugene at Donny.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.