Anak ni Jinggoy Estrada binugbog umano sa Boracay, 3 suspek arestado –ulat

PHOTO: Facebook/Jinggoy Estrada

Trigger Warning: Mentions of Violence.

BINUGBOG umano ng tatlong lalaki ang anak ni Senador Jinggoy Estrada at ang kasama nito sa Boracay.

Ito ay ayon sa ulat ng Radyo Todo Aklan 88.5 FM na ibinandera sa isang Facebook page.

Sinabi ng radio station na nangyari ang insidente sa Station 2 ng isla bandang 2 a.m.

Kwento pa, naglalakad umano ang mga biktima mula sa isang bar papuntang D’Mall nang bigla silang sundan at pinagtulungan ng tatlong binata sa tapat ng isang hotel sa Brgy. Balabag.

Baka Bet Mo: Jam Ignacio binugbog daw ang fiancé na si DJ Jellie Aw: Ipakukulong kita!

Hindi pinangalanan kung sino sa mga anak ni Jinggoy ang sangkot, pero kinilala ang mga suspek na sina James Carl Vargas y Jason, Dwyne David Mecca y Delos Santos, at Khenjie Sarabia y Dumalaog.

Lahat sila ay 18-anyos at residente ng Boracay.

Lumapit umano ang isa sa mga suspek sa isa sa mga biktima at bigla itong sinuntok.

 Nang umawat ang kasama ng biktima, itinulak din siya at sinuntok ng iba pang suspek.

Agad na rumesponde ang mga pulis at naaresto ang tatlong suspek.

Isinugod naman sa ospital ang isa sa mga biktima para sa agarang gamutan.