INAPRUBAHAN na ng Senado sa final reading ang panukalang-batas na nagbibigay sa Movie and Television Review and Classification Board (MTRCB) ng regulatory powers sa online streaming platforms.
Ang nasabing MTRCB Act o Senate Bill No. 2805 ay sponsored ng actor-public servant na si Sen. Robin Padilla. Ito’y naglalayong mas palakasin at mas palawakin ang “mandate” ng ahensiya.
“MTRCB should be authorized to regulate video content on streaming platforms to maintain the standards of decency and morality expected by Filipinos,” ang bahagi ng inilabas na pahayag ng Senado.
Sa hiwalay na official statement ni Sen. Robin, sinabi nitong kailangan na ring pangunahan ng MTRCB ang pagre,)-review at pagre-regulate ng lahat ng online streaming platforms sa bansa.
Ipinunto ng senador, “For paid on-demand streaming services, MTRCB shall require the streaming service to submit a list and classification of all movies, series, and programs offered and order a reclassification after screening, only as necessary.”
Sabi pa ng kampo ng senador at aktor, inaprubahan ng mga mambabatas ang MTRCB Act, “to address issues of obscenity, immorality, and senseless violence in the digital platforms.”
Bukod dito, nakasaad din sa nasabing panukalang-batas na ang chairperson at vice-chairperson ng MTRCB ay mabibigyan ng “rank, salary, rights, privileges, and benefits equivalent to a department undersecretary and department assistant secretary.”