Ahtisa Manalo sa gitna ng tumataas na HIV cases: ‘It’s a call to action!’

PHOTO: Facebook/Ma. Ahtisa Manalo

NANAWAGAN ng agarang aksyon si Miss Universe Philippines 2025 Ahtisa Manalo kaugnay ng patuloy na pagtaas ng kaso ng HIV (human immunodeficiency virus) sa mga kabataang Pinoy.

Sa kanyang Facebook post, ibinahagi ng beauty queen ang panawagan ng Department of Health (DOH) para sa mas malawak na edukasyon ukol sa sexual health na angkop sa edad at batay sa tama at makataong impormasyon.

“As a beauty queen and an advocate for youth empowerment, I cannot stay silent in the face of a crisis that affects the very heart of our future. The 500% rise in HIV cases among Filipino youth is more than just a statistic—it is a call to action,” caption ni Ahtisa.

Patuloy niya, “This dramatic increase reflects a lack of access to accurate, compassionate, and age-appropriate sexual health education.”

Baka Bet Mo: Ahtisa ginagamit sa fake donation drive para sa mga biktima ni Kristine

Aniya, “Proper education is not about encouraging recklessness—it’s about equipping young people with the truth, the tools, and the confidence to make informed choices about their health and well-being.”

Hinikayat din ng beauty queen ang publiko na makiisa sa layuning maprotektahan ang kabataan sa pamamagitan ng tamang kaalaman at malasakit.

“Education is empowerment—and empowered youth can change the world. Let us rise together, not in fear, but in knowledge, compassion, and responsibility,” sey niya sa FB.

Matatandaang inirekomenda ng DOH na ideklarang isang national public health emergency ang HIV sa bansa.

Ito ay dahil sa nakakabahalang datos mula Enero hanggang Marso ngayong taon, kung saan umabot sa 57 bagong kaso kada araw ang naitala.

Ayon pa sa health bureau, umabot sa 5,101 ang kabuuang bilang ng bagong kaso ng HIV sa unang tatlong buwan ng 2025. 

Ang pinakabatang kaso ay isang 12 years old na diumano’y nakikipagtalik nang walang proteksyon.