Heart nadamay sa isyu ni Sen. Chiz, binatikos pagpasok sa Bahay ni Kuya
Heart Evangelista at Chiz Escudero
PATI ang Kapuso actress at global fashion icon na si Heart Evangelista ay nadamay sa galit ng netizens sa kanyang asawang si Senate President Chiz Escudero.
Maraming natuwa at na-excite sa pagpasok ni Heart sa Bahay ni Kuya bilang house guest sa “PBB Celebrity Collab Edition” na napapanood sa GMA 7 at Kapamilya Network.
Pero may mga naimbiyerna at nabwisit din sa guesting ni Heart sa naturang iconic reality show nitong nagdaang Linggo, June 8 na tumagal lamang ng ilang oras.
Mababasa sa social media ang pagbengga ng mga bashers sa Kapuso star na karamihan ay nagsabing hindi raw muna sila manonood ng “PBB” habang nasa loob ng Bahay ni Kuya ang aktres.
Ang dahilan, bad trip sila sa asawa ni Heart na si Sen. Chiz Escudero, na inaakusahang dini-delay ang impeachment trial laban kay Vice President Sara Duterte.
Bukod sa ilang senador at kongresista, nagpahayag din ng galit at pagkadismaya ang ilang personalidad kay Sen. Chiz dahil sa hindi matuluy-tuloy na impeachment trial sa bise presidente.
View this post on Instagram
Ang feeling kasi ng mga manonood at supporters ng “PBB”, ipinasok sa Bahay ni Kuya si Heart para mapabango raw uli ang pangalan ni Sen. Chiz dahil nga may kanegahan ngayon ang imahe nito.
Birong hirit ng isang netizen, “Sana isinama ni Heart si Chiz as houseguest sa PBB. Unang task: HUWAG I-DELAY ANG IMPEACHMENT TRIAL. Yari ka kay Kuya.”
May nagkomento naman ng, “Kuya: Heart para sa iyong unang task, lumabas ka ng bahay ko at sabihin sa iyong asawa na simula na ang impeachment trial. Bibigyan kita ng 24 ors para makabalik ng bahay ko.”
Bukas ang BANDERA sa magiging reaksyon ni Heart hinggil sa isyung ito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.