DSWD alam ang pagbibisyo ni Imburnal Girl, handa nang magpa-rehab
Rosemarie Peligrino
ALAM ng pamunuan ng Department of Social Welfare and Development (DSWD) ang pagbibisyo ng tinaguriang Imburnal Girl na si Rosemarie Peligrino.
Kaya nga isasailim siya sa isang rehabilitation program ng DSWD para magtuluy-tuloy na ang kanyang pagbabagong-buhay.
Nag-viral si Rosemarie sa social media matapos lumabas sa isang imburnal sa Rufino at Adelantado Street sa Legazpi Village, Makati City nitong nagdaang buwan.
Dahil dito, hinanap at binigyan siya ng financial assistance ng DSWD na nagkakahalaga ng P80,000 na gagamitin daw sa pagpapatayo ng sari-sari store.
Sa isang vlog ng content creator at negosyanteng si Boss Toyo sa kanyang YouTube channel na “Pinoy Pawnstar”, ipinakita naman ang pagbebenta ni Rosemarie ng pag-aaring cutter blade.
Ito raw ang nahulog sa imburnal kaya kinailangan niyang kunin sa loob. Gamit niya ang naturang cutter blade sa pangangalakal.
View this post on Instagram
Personal na pinunatahan si Rosemarie si Boss Toyo kasama ang kanyang asawa para ibenta ang cutter blade.
Habang kinakausap ni Boss Toyo si Rosemarie ay napansin niyang may mga marka ng hiwa sa pulso nito kaya inusisa niya ang tungkol dito kasunod ang tanong kung may mga bisyo siya.
Sagot ni Rosemarie, “Nagbibisyo po pero hindi naman ano…hindi naman po araw-araw. Noon pong naghihiwa ako, hindi pa po ako gumagamit.”
Kaya naman pinayuhan siya ni Boss Toyo na magbago na at ituwid na ang kanyang buhay para sa kanyang pamilya at magiging mga anak.
“Magbago ka, pilitin mo. Kailangan magbago ka, sayang yung ibinigay sa yo. Mauubos yun,” ang advice ni Boss Toyo na ang tinutukoy ay ang P80,000 na ibinigay sa kanyang tulong pinansiyal ng DSWD.
Naibenta naman ni Imburnal Girl ang kanyang cutter blade kay Boss Toyo ng P10,000 na kanya ring pinirmahan. Isasama ito ng vlogger sa ipinatatayong museum kasama ng iba pa niyang koleksyon mula sa mga sikat na celebrity.
Samantala, sinabi naman ni DSWD Pag-abot Program Officer-in-Charge Deputy Program Manager Marilyn Moral, knows daw ng kanilang mga social worker ang pagbibisyo ni Rose.
“Our social workers for Pag-abot program knew of Rose’s occasional use of illegal substance and as part of the conditions, she will undergo rehabilitation,” ani Moral.
Dagdag pa niya, “Our social workers in partnership with other duty bearers handling the case management will see to it that there will be positive change in the lives of Rose and her partner so that they become productive members of the community ready for reintegration after the necessary interventions.”
Naniniwala naman si DSWD Rex Gatchalian na darating ang tamang panahon na makikita ng publiko ang “better version” ni Rosemarie pagkatapos ng isasagawang rehabilitasyon.
“We, in the DSWD, are confident that with all the appropriate interventions, a better Rose will emerge—a Rose whose dignity and self-worth are restored, ready and able to become a productive member of society.
“DSWD’s social workers do not just give material assistance. They enable clients to have better self-concept despite their negative experiences and restore hope,” ani Gatchalian.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.