Neri Miranda malalim ang hugot sa sunflower, inalala ang mga pinagdaanan

Neri Miranda

NAIKUMPARA ng aktres at negosyanteng si Neri Miranda ang mga pagsubok na pinagdaanan niya nitong nagdaang taon sa bulaklak na sunflower.

Bago magsimula ang Semana Santa, binalikan at inalala ni Neri ang tinawag niyang “darkest days” ng kanyang buhay at kung paano ang naging proseso niya sa kanyang “healing” journey.

Hindi man binanggit ng wifey ng Parokya ni Edgar frontman na si Chito Miranda, siguradong isa sa mga tinutukoy niyang pinakamadilim na bahagi ng buhay niya nitong mga nagdaang panahon ay ang pag-aresto at pagkulong sa kanya.

Sinampahan ng syndicated estafa si Neri at securities violation dahil sa naging kaugnahan niya sa isang skincare company na umano’y sangkot sa investment scam.

Nadismis ang naturang kaso “due to lack of probable cause.”

Ayon sa tinaguriang “Wais na Misis”, sa kanyang asawang si Chito, sa kanilang mga anak at sa mga kapamilya siya humuhugot ng lakas at tapang kapag humaharap sa matitinding pagsubok.

Nag-post si Neri sa Instagram ng isang short video kung saan mapapanood ang pagkuha niya ng mga bulaklak ng sunflower mula sa isang garden.

Aniya sa caption, “These sunflowers didn’t grow overnight. They needed light, care, and time.

“Cutting these blooms reminds me: Even after the darkest days, something beautiful can still grow,” aniya pa.

“From pain, peace. From silence, strength. From the soil of sorrow, joy can rise again,” ang dagdag na mensahe pa ni Neri.

 

View this post on Instagram

 

A post shared by Teena Barretto 🇵🇭🇺🇸 (@teenabarretto)

Pagpapatuloy pa ni Neri, “If you’re going through something right now—this is your reminder: healing takes time, but you will bloom too. One gentle day at a time.

Sa IG post ni Neri pagkatapos maabswelto ng korte, naglabas siya ng kanyang saloobin. Aniya, “Hindi ko talaga inakala na mapapasama ako sa Most Wanted sa Pilipinas…

“Tinawag akong magnanakaw, manloloko, at scammer. Never naman akong nagtago. Palagi nga akong nasa palengke, sa mga talks, at kahit saan pa—I have always been visible, hindi lang sa social media.

“I know many of you are waiting for me to tell my side of the story. When the time is right, I will. O kung kailangan pa bang ikwento ang lahat—mula sa pagdakip sa akin, sa kahihiyan, sa pagkakadetain, at sa agarang paglipat sa BJMP, kung saan dali-dali akong pinasuot ng yellow uniform. But for now, let me just say this: It was a nightmare. Isang pagsubok at bangungot na hindi ko kailanman malilimutan.

“Sa kabila ng lahat—the labels, the ridicule, the judgment—I chose silence. Because I’ve learned that when we are in pain, it’s easy to say things we don’t mean.

“Pero hindi ako yun. I refuse to let anger or hurt define me. Some celebrated my lowest point, ginawa pa akong content para pagkakitaan. They judged me, questioned me, and discredited my hard work.

“But there were those who stood by me, defended me, and lifted me up without asking for anything in return—I see you, I appreciate you, and I hope one day, I can do the same for you.

 

View this post on Instagram

 

A post shared by Neri Miranda (@mrsnerimiranda)

“Sa lahat ng naniwala, sumuporta, at nagdasal para sa amin, maraming, maraming salamat po! To those who felt even the smallest impact of our kindness, thank you. You remind me that goodness still exists in the world.

“I always tell my kids: The best investment in life is kindness. Hindi mo agad-agad makikita ang balik, pero darating at darating ito sa tamang panahon. Minsan, pakiramdam natin, hindi tayo pinapansin ni Lord kasi sunod-sunod ang pagsubok.

“Pero minsan, He’s just busy fixing things behind the scenes. And in every storm, He sends His Army of Angels. This time, kayo ‘yun. Maraming, maraming salamat sa inyong pagmamahal, suporta, at panalangin. Hindi ko ito malilimutan,” buong pahayag ni Neri.