Jinkee Pacquiao umaray sa mga ‘paid ads’ sa socmed laban kay Pacman
Manny Pacquiao at Jinkee Pacquiao
BAD trip si Jinkee Pacquiao dahil sa nagpapakalat ng mga nakakalokang fake news laban sa kanyang asawang si Pambansang Kamao Manny Pacquiao.
Nakarating kay Jinkee ang balita tungkol sa nagkalat na paid ads sa social media laban sa kandidatura ng ni Pacquiao na tumatakbo uling senador ngayong midterm elections.
Sa pamamagitan ng kanyang Facebook page, inireklamo at inalmahan ni Jinkee ang pagtawag ng ilang bashers sa kanyang asawa na isa raw “clown.”
Ayon sa wifey ni Manny, may mga tao raw na talagang gumagastos ng malaking halaga para lang siraan ang iconic boxer at mantsahan ang kandidatura nito.
“Ang daming paid ads sa feed ko. Here’s one saying that Manny is a ‘CLOWN’. Mas funny yung idea na they spend a lot of money in running negative campaign,” ang dismayadong pahayag ni Jinkee.
View this post on Instagram
Binoldyak din ni Jinkee ang umano’y paglalabas ng pera ng ilang grupo na siyang nasa likod daw ng naglipanang paid ads sa socmed. Sana raw ay gumastos na lamang ang mga taong ito sa pagtulong sa mga nangangailangan nating kababayan.
“Instead of helping those in need, mas gusto nila manghamak, mag-hate and troll. Laki mga pera ng mga kalaban ni Manny sa senate,” hirit pa ni Jinkee.
Makikita rin sa in-upload na litrato ni Jinkee sa socmed na umaabot daw sa nasa P4,000 hanggang P5,000 ang presyo ng nasabing negative paid ads laban kay Pacquiao.
Narito ang ilan sa mga comments na nabasa namin sa Facebook page ni Jinkee.
“Don’t worry about the negative campaign against pacquiao, ibig sabihin noon angat si pacquiao sa kalaban.”
“Sad reality, Ms Jinky Manny should have loyalty to the people of the Philippines. He should stand firm for what is correct. Most politicians just selfish sorry to say.”
“You can serve God and the country without running as Senator at your own predicament. God bless.”
“Ignore those people madam! Jinkee Pacquiao They just envy you and your family. If that’s their opinion let it be, as long your family are not doing anything wrong or hurting someone.”
“Manny you have been a senator I’ve seen an accomplishment nothing, dong tama na baka lumala pa.”
Wala pang diretsahang pahayag ang Pambansang Kamao hinggil sa mga naglalabasang paninira sa kanya sa social media. Bukas ang BANDERA sa kanyang magiging reaksyon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.