Barbie, Kyline, mala-Koreana ang drama sa Seoul; Ahtisa rarampa sa Family Feud
Ahtisa Manalo, Kyline Alcantara at Barbie Forteza
MUKHANG sumakses ang Korean actor na si Choi Bo-Min sa pag-welcome sa kanyang “Beauty Empire” co-stars na sina Barbie Forteza, Kyline Alcantara, at Aaron Maniego sa South Korea.
Masaya at excited na lumipad ang apat pa-Seoul kamakailan para sa ilang eksena ng inaabangang “pinakamagandang laban sa primetime” – ang “Beauty Empire.”
Sa social media post ng GMA Public Affairs, makikitang mala-Koreana ang atake nina Barbie at Kyline habang suot ang kanilang fashionable outfits.
View this post on Instagram
Kung face card ang usapan, hindi talaga pakakabog ang dalawang Kapuso stars.
Kitang-kita naman ang closeness nina Barbie, Kyline, Choi Bo Minh, at Aaron kahit pa unang beses pa lang nilang magsama-sama sa isang serye.
Mas lalo tuloy na-excite ang fans na mapanood ang upcoming series ng GKA dahil sa chemistry na ipinakikita ng cast members.
Soon ay ipalalabas na ang “Beauty Empire”, ang bagong collab series ng GMA, Viu, at CreaZion Studios.
* * *
Uulan naman ng kagandahan this Wednesday sa “Family Feud” kasama si Miss Universe Philippines 2025 Ahtisa Manalo at iba pang beauty queens.
Maglalaro para sa Team “Miss Universe Philippines” sina Ahtisa, MUPH 1st Runner-up Winwyn Marquez, MUPH 2nd Runner-up Yllana Marie Aduana, at MUPH semifinalist Bianca Ylanan.
Makakatapat nila ang Team “The Miss Philippines” kasama sina The Miss Philippines Eco International 2025 Dr. Gabbi Carballo, The Miss Philippines Cosmo 2025 Chelsea Fernandez, The Miss Philippines Supranational 2025 Kat Llegado, at MUPH Top 12 semifinalist Gwendolyne Meliz Soriano.
Abangan ang bakbakan ng mga reyna sa “Family Feud” hosted by Dingdong Dantes ngayong Miyerkules, 5:40 p.m., sa GMA 7.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.