Ivana ‘unbothered’ sa isyu kay Albee Benitez, nagparamdam ng selfie sa socmed
Ivana Alawi, Cong. Albee Benitez
TILA ibinandera ni Ivana Alawi na siya ay isang unbothered queen sa kabila ng isyung pakikipagrelasyon umano kay Cong. Albee Benitez.
Kamakailan lang, ibinahagi ng actress-vlogger sa kanyang Instagram ang isang video na makikitang nakangiti siya, habang nakasuot ng sunglasses sa loob ng sasakyan.
Walang caption at walang paliwanag.
Kinabukasan, nag-post ulit si Ivana ng isang fan edit na video na binubuo ng kanyang mga larawan at video clips, habang background music ang kantang “Paparazzi” ni Lady Gaga.
Bagamat hindi pa nagsasalita nang direkta si Ivana tungkol sa isyu, nauna na niyang pinabulaanan ang anumang kaugnayan niya sa Bacolod City congressman-elect.
Baka Bet Mo: Xian Gaza nag-deactivate, nagtago na matapos maging ‘wanted’ kay Cong. Javi
Ganun din si Cong. Albee na sa pamamagitan ng kanyang abogado ay tinawag ang reklamo bilang “baseless and retaliatory.”
Magugunitang kumalat sa social media ang umano’y kopya ng reklamo kaugnay sa paglabag sa Violence Against Women and Children (VAWC) Law o Republic Act No. 9262 na isinampa umano ng asawa ng mambabatas na si Dominique “Nikki” Lopez-Benitez laban sa kanya.
Sa reklamo, binanggit ang pangalan ni Ivana at iniuugnay siya sa diumano’y “illicit relationship” nila ni Cong. Albee.
“This case was filed shortly after Mayor [Albee] Benitez initiated annulment proceedings in 2024, raising serious doubts about the complainant’s motives,” pahayag ng kanyang legal counsel.
Hindi man diretsong tinukoy si Ivana sa statement, sinabi ng abogado na, “It is unsettling that a third party has been unnecessarily dragged into this private matter.”
“The mention of individuals unrelated to the merits of the case only serves to divert attention and inflame public sentiment in the complainant’s favor.
“Section 44 of Republic Act 9262 (VAWC law) explicitly mandates the confidentiality of all proceedings and parties involved. The unwarranted disclosure of identities and unverified claims constitutes a clear violation of this provision,” dagdag pa.
Samantala, nagsalita na rin ang anak nina Albee at Dominique na si Javi Benitez at umaasang maaayos ng kanyang mga magulang ang gusot.
Hiling din niya sa publiko na maging mahinahon at huwag palalain ang sitwasyon, lalo na raw ang “rumors, fake news, and paid drama.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.