Pride Month 2025: Classic films nina Nora, Vilma, Dolphy binuhay sa big screen
PHOTO: Courtesy of Ayala Malls Cinemas
BUKOD sa puno ng pride ngayong buwan ng Hunyo, pangmalakasan din ang throwback sa big screen!
Mala-time machine ang peg ng Ayala Malls Cinemas dahil muli nilang ibabandera ang dalawang iconic Pinoy films –ang “T-Bird at Ako” nina Nora Aunor at Vilma Santos, at ang “Mga Anak ni Facifica Falayfay” ng Comedy King na si Dolphy.
Yes, yes, yes mga ka-Bandera, this is not a drill dahil showing na ito sa mga piling sinehan ng nasabing mall.
Baka Bet Mo: LIST: Mga pelikula sa Hunyo kumpleto rekados, Pinoy classics babandera rin
T-Bird at Ako
PHOTO: Courtesy of Ayala Malls Cinemas
Sa pelikulang ito, tila parang biritan sa aktingan ang nag-iisang Superstar na si Nora Aunor at Star for All Seasons na si Vilma Santos.
Iikot ang makapangyarihang kwento sa abogadang si Sylvia at ang dancer na si Sabel.
Mga Anak ni Facifica Falayfay
PHOTO: Courtesy of Ayala Malls Cinemas
1987 classic film naman ni Dolphy ay isang balik-tanaw sa kwento ni Rodrigo (Roderick Paulate) na grappling with identity at acceptance.
Tampok din diyan sina Zsa Zsa Padilla, Lotlot de Leon, Eric Quizon, at Rolly Quizon.
Sa halagang P180 for regular at P160 for students, mapapanood mo na ang dalawang restored classics sa piling sinehan.
Bahagi ito ng “A-Rewind” project ng Ayala Malls Cinemas na sinimulan noong Marso sa pakikipagtulungan sa ABS-CBN Film Archives and Restoration.
Ilan na sa mga na-revive classics ay “Kailan Ka Magiging Akin,” “Tatlong Ina, Isang Anak,” “Tatlong Taong Walang Diyos,” “Hiling,” at “Magic Temple.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.