DepEd: Klase para sa SY 2025-2026 magsisimula na sa June 16
INQUIRER file photo
MARKAHAN n’yo na ang kalendaryo, lalo na ang mga estudyante at guro!
Inanunsyo kasi ng Department of Education (DepEd) na magsisimula ang School Year (SY) 2025-2026 sa darating na June 16, araw ng Lunes.
Ito ay alinsunod sa pagbabalik sa dati at mas pamilyar na Hunyo-hanggang-Marso na school calendar, na inaprubahan ni Pangulong Bongbong Marcos noong May last year.
Kung matatandaan, nagkaroon ng pagbabago sa schedule dahil sa mga natatanggap na reklamo mula sa mga guro, estudyante at mga magulang sa panahon ng tag-init.
Marami kasi ang nagko-complain sa nararanasang “extreme heat” sa loob ng silid-aralan ng mga pampublikong eskwelahan.
Baka Bet Mo: DepEd hindi ipinagbabawal ang pagsusuot ng sablay, toga sa graduation
Dahil diyan ibinalik na nga sa summer season ang bakasyon ng mga bata.
Ayon sa DepEd Order No. 12 series of 2025, “The SY 2025-2026 shall formally open on Monday, June 16, 2025 and shall end on Tuesday, March 31, 2026.”
Dagdag pa ng ahensya, “It shall consist of 197 class days inclusive of the end-of-school-year rites, or as may be determined by subsequent issuances in case of changes in the school calendar due to unforeseen circumstances.”
Ang kautusan ay nilagdaan noong April 15, ayon sa ulat ng INQUIRER.
Syempre, bago ang balik-eskwela, hindi mawawala ang Brigada Eskwela!
Ang taunang bayanihan sa paglilinis at pag-aayos ng mga paaralan ay nakatakdang gaganapin simula June 9 hanggang 13.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.