BINI may 8 bonggang sorpresa para sa Blooms; hahataw sa ‘Shagidi’
BINI
AFTER ng matagumpay na buwan ng Mayo sa Nation’s Girl Group na BINI, mas marami pa silang pasabog pa sa darating na Hunyo para sa pagridriwang ng kanilang ikaapat na anibersaryo.
Isang month-long celebration na puno ng mga paandar para sa mga solid Blooms—mula sa bagong musika, exciting events, bagong merchandise, hanggang sa mga bagong content ng mga girls.
Walong sorpresa na inihanda para sa Blooms ang dapat abangan at hindi dapat palampasin!
Matapos ang successful “BINIverse Tour” sa pinakamalaking sold-out stage abroad sa Coca-Cola Arena sa Dubai (Mayo 18) at jampacked shows sa Ovo Arena sa London (Mayo 25), Coca-Cola Coliseum sa Toronto (Mayo 30), at The Theater sa Madison Square Garden sa New York City (Mayo 31), marami pang mga shows ang naka-line up.
BINI ang unang Filipino girl group na bumiyahe sakay ng isang touring bus at iikot sa iba’t ibang cities abroad para sa mga susunod na sampung legs ng “BINIverse World Tour: The Theater” sa MGM National Harbor sa Washington, DC (Hunyo 3); Rosemont Theatre sa Rosemont (Hunyo 6); 713 Music Hall sa Houston (Hunyo 9); The Pavilion sa Toyota Music Factory sa Dallas (Hunyo 10); The Theater sa Las Vegas Virgin Hotels sa Las Vegas (Hunyo 13); Peacock Theater sa Los Angeles (Hunyo 14); The Summit sa Pechanga Resort and Casino sa Temecula (Hunyo 15); Bill Graham Civic Auditorium sa San Francisco (Hunyo 17); The Paramount Theatre sa Seattle (Hunyo 20); at Doug Mitchell Thunderbird Sports Center sa Vancouver (Hunyo 21).
View this post on Instagram
Sa pagitan ng mga show at rehearsal, abala rin ang mga girls sa mga guestings, interviews, at courtesy calls.
Kasunod ng tagumpay ng kanilang performance video na “Zero Pressure”, handa na ang mga girls para sa kanilang bagong kantang “Shagidi”—ang espesyal na tour single na ilo-launch sa June 5.
Siguradong kagigiliwan ang kanilang newest single na nagsimula sa isang spontaneous na laro ng Shagidi Shapopo, na masayang chant at sayawan hanggang sa maging isang playful at upbeat na track na pinagsasama ang cultural pride at global pop appeal.
Apat na episode ng variety show ng BINI, ang “BINIversus” nina Maloi, Gwen, Aiah, at Stacey, ang aabangan rin ngayong buwan matapos ang BINIversus Episode 1: Tanggal Colet Course na opisyal nang inilabas sa YouTube channel ng BINI Official. Ang mga bagong episodes ay magpi-premiere tuwing Miyerkules, 8 p.m..
Isa pang first para sa BINI ang “BINIverse and Chorus”—isang songwriting festival na may temang “BINI Music for Blooms, by blooms”—na nagbubukas ng pintuan para sa mga aspiring songwriters na maging bahagi ng musikal na paglalakbay ng BINI.
Markahan ang petsa, Hunyo 11, para sa Happy Blooms Day: BINI 4th Anniversary— isang pagdiriwang ng BINI at kanilang mga tagasuporta sa Ayala Trinoma Mall na puno ng mga activities para sa mga Blooms na sumusuporta sa Nation’s Girl Group mula noong 2021.
Isang exciting at interactive event na puno ng mga activities—may performances ang BINIkada, talent competition na Blooms Got You Covered at marami pang surpresa.
Matapos mapili at maging finalist ang BINI Chapter 1 Documentary sa 2025 New York Festivals TV & Film Awards para sa Best Documentary sa Biography and Profiles category, may isa pang espesyal na treat sa Happy Blooms Day.
Magkakaroon ng VIP seats ang fans para sa exclusive screening ng BINI Docu Chapter 3, bago ito opisyal na i-release sa iWant sa Hunyo 12. Produced by iWant at ABS-CBN News and Current Affairs, tampok ang US at Canada tour ng BINI.
Sa isa’t kalahating oras na docu, mapapanood ang ang mga personal na pinagdaaanan ng mga girls at ang kanilang pagsusumikap para makilala sa international stage—kasabay ng mas malalim na pagkilala nila sa kani-kanilang sarili.
View this post on Instagram
Sa proyektong ito, patuloy na pinalalawak ng BINI ang kanilang pangarap na makilala pa ng global audience.
Marami pang kapana-panabik na reveals para sa Blooms, kabilang ang passion project ng BINI—BINI Cosmetics. Ito ay isang beauty line na personal na dinisenyo ng girls. Hindi lang sila performers—tunay ding beauty enthusiasts ang BINI members.
Ang pagmamahal nila sa make-up ang naging inspirasyon sa paglikha ng cosmetic line na sumasalamin sa kani-kanilang personal na style at koneksyon sa kanilang supporters.
Bawat produkto ay maingat na dinevelop ng mga miyembro mismo. Nakaugat sa authenticity, inclusivity, at self-love, tampok sa kanilang debut collection ang limang must-have products na siguradong aabangan ng lahat.
Isang anniversary merch line at espesyal na photobook na may pamagat na “Journey through the Biniverse” ang dapat ring abangan!
Walong chapters na puno ng mga larawan ng mga girls na sasalamin sa kanilang journey at growth bilang indibidwal at bilang grupo, kasama ang mga di-malilimutang sandali at milestones sa kanilang karera—isang keepsake para sa mga Blooms!
Matapos ang “BiniVerse World Tour”, babalik ang BINI kung saan nagsimula ang lahat—hindi lamang sa Pilipinas, kundi pati na rin sa mga puso ng kanilang mga day ones, ang mga Blooms.
Nandiyan din ang “Here with You: The BINI Homecoming Fan Meet” na gaganapin sa Hunyo 29 sa Mall of Asia Arena ay isang libreng event at pagtitipon para sa mga miyembro ng BINI Global. Magsisilbing culminating anniversary celebration ang nasabing event.
“Tunay nga na malayo pa ang pagtigil na makamit ang pangarap at di matitinag na mas pagbutihin ang naumpisahan ng ating very own Global Superstars BINI! Siyempre, hindi rin matitinag ang pagmamahal at suporta ng kanilang mga Blooms.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.