Chiz itinanggi resolusyon ng pagbasura sa impeach complaints vs VP Sara
Sara Duterte at Chiz Escudero
ITINANGGI ni Senate President Francis “Chiz” Escudero na may inihain na resolusyon para sa pagbasura sa impeachment complaints laban kay Vice President Sara Duterte.
Aniya hanggang sa pagtatapos ng sesyon kagabi ay walang naihain o nakabinbin na panukala patungkol sa pagbasura sa impeachment complaints laban kay Duterte.
Kumalat sa social media ang isang dokumento, kung saan hinihiling na ideklarang “de facto dismissed” ang impeachment case dahil sa kakulangan ng panahon para sa pagsasagawa ng paglilitis alinsunod sa 1987 Constitution.
Sinabi naman ni Senate Minority Leader Aquilino “Koko” Pimentel III na malaki ang posibilidad na peke ang dokumento.
Pare-pareho naman sinabi nina Sens. JV Ejercito, Cynthia Villar, Bong Go, Joel Villanueva at Risa Hontiveros na hindi nila nakita ang sinasabing resolusyon.
Ayon naman kay Sen. Imee Marcos posible na ang naturang dokumento ay isa sa mga nakita niya na pawang may kaugnay sa impeachment case ni Duterte.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.