ChiKapalaran (May 12-May 18, 2025): Alamin ang horoscope n’yo ngayong linggo

HALER, HALER mga ka-BANDERA? How’s your weekend? Naging productive ka ba or as usual, nganga pa rin? Oh well, read ka muna ng ChiKapalaran para malaman mo kung magiging lucky ka this week.

Guys, Monday na naman at malapit na ang sweldo kaya konting tiis muna kung ubos na ang budget. Huwag nang mangutang, mas mabuting magpalibre muna ng lafang sa iyong BFF.

Anyway, narito na naman ang inyong resident charotera reader na magbibigay gabay sa mga magiging ganap sa iyong buhay.

ARIES (March 21-April 19)
Besh, may isang taong magbabalik sa iyong life na hindi mo inaasahan pero mag-ingat sa matamis niyang dila dahil gagawin niya ang lahat para mabudol ka uli.

Dito masusubok ng universe kung gaano ka karupok pagdating sa love. Patunayang hindi ka basta-basta bibigay sa nakakaloka niyang “modus.”

Lucky Color: Blue
Lucky Number: 10
Swerte Meter: 4 Stars

TAURUS (April 20-May 20)
Sizt! Isantabi muna ang planong pagta-travel sa malayong lugar dahil maaaring may mangyaring pagsisisihan mo lang sa huli.

May matatanggap na magandang balita na matagal mo nang hinihintay kaya huwag nang mag-inarte. This is your sign na need mo nang magseryoso sa buhay.

Lucky Color: Pink
Lucky Number: 9
Swerte Meter: 5 Stars

GEMINI (May 21-June 20)
Frienship, itigil na ang pagluluksa sa iyong ex. Naka-move on na ang lahat ikaw na lang ang hindi. Hang-out with friends at mag-sign up na sa dating app.

Hindi mo deserve ang maging malungkot at magpaka-depress nang bonggang-bongga dahil siguradong marami ka pang makikilala na mas higit pa sa cheater mong dyowa.

Lucky Color: Yellow
Lucky Number: 20
Swerte Meter: 3 Stars

CANCER (June 21-July 22)
Ang dami mong reklamo sa buhay besh! Hindi yan nakakaganda o nakakapogi. Lahat na lang ng bagay ginagawan mo ng isyu. Try mo ring maging positive minsan para gumaan ang feelings mo.

This is the tamang panahon din para ituloy ang planong bumisita sa kaibigang may karamdaman. Matagal na siyang abangers sa ‘yo kaya pagbigyan mo na.

Lucky Color: Black
Lucky Number: 29
Swerte Meter: 4 Stars

LEO (July 23-August 22)
Hirap na hirap pumili sa mga manliligaw? Ganda yarn!? Well, kung naghahanap ka pa ng sign kung sino ang dapat sagutin sa kanila, stop na! Basta sundin ang  tibok ng puso mo.

Pero mag-ingat din dahil maaaring ang taong mapipili mo ay siya ring magiging greatest heartbreak mo kung hindi aalagaang mabuti ang relasyon.

Lucky Color: Yellow
Lucky Number: 30
Swerte Meter: 4 Stars

VIRGO (August 23-September 22)
Pabebe ka nang pabebe kaya ang taong tinatarget mong maging dyowa ay baka maagaw pa ng iba. Ikaw na ang mag-first move besh dahil magugulat ka sa magiging resulta.

Pero huwag naman garapalan ang galawan, mas keribels pa rin ang swabeng diskarte – yung simple lang pero matindi ang epek! Kailangan pa bang i-memorize yan!?

Lucky Color: Gray
Lucky Number: 23
Swerte Meter: 3 Stars

LIBRA (September 23-October 22)
Huy! Magseryoso ka na kung ayaw mong tuluyang masira ang life mo sa kakatambay at kakapanood ng Netflix.

Stop na sa pagiging palamunin ng pamilya at maghanap na ng trabaho. Tumatanda ka na friendship, ayaw mo naman sigurong dumating yung araw na para kang pulibi na nagmamakaawa sa mga kapamilya at kaibigan mo para lang makalafang.

Lucky Color: Violet
Lucky Number: 40
Swerte Meter: 2 Stars

SCORPIO (October 23-November 21)
Magkukrus muli ang landas n’yo ng taong naging bahagi ng iyong past. Magkakaroon uli kayo ng koneksyon. Give ng chance ang naunsiyaming love story, walang mawawala kung bibigyan siya ng pagkakataong mahalin ka. Wow! Kilig naman yarn!

Lucky Color: Orange
Lucky Number: 7
Swerte Meter: 5 Stars

SAGITTARIUS (November 22-December 21)
Besh, this is the perfect time para makipag-ayos sa parents mo. Kalimutan na ang past at harapin nang punumpuno ng pag-asa at pagmamahal ang future. Hindi ka makaka-move on sa nakaraan kung patuloy na magmamatigas at paiiralin ang pride.

Mas maraming blessings ang matatanggap kapag ikaw ang nagpakumbaba kaya gora na, puntahan na sina nanay at tatay, now na!

Lucky Color: Light Green
Lucky Number: 50
Swerte Meter: 4 Stars

CAPRICORN (December 22-January 19)
Bakit masyado mo namang pinaghihigpitan ang partner mo sa mga bagay na magpapasaya sa kanya?

Oras na para mag-reflect at isipin kung worth it ba yang pagiging mahigpit mo dahil for sure pag nasakal yan, iiwan ka nyan. Gusto mo ba ‘yun? Di ba hindi? Kaya ayusin mo mga desisyon mo sa buhay.

Ang pagmamahal ay mapagpalaya. Kung hindi ganon ang pagmamahal mo, baka mamura ka ng partner mo. Char!

Lucky Color: Dark Blue
Lucky Number: 13
Swerte Meter: 5 Stars

AQUARIUS (January 20-February 18)
Ayon sa message ng universe, on the way na ang matagal mo nang inaasahan na true love. Well, long overdue naman na talaga kaya deserve na deserve mo. Madidiligan ka na mars, congrats!

May mga struggles along the way. Tatagan mo lang ang loob mo dahil magiging masaya rin kayo sa huli eventually.

Lucky Color: Dirty White
Lucky Number: 9
Swerte Meter: 4 Stars

PISCES (February 19-March 19)
Ipagpaliban muna ang pagbili ng gadget. May problemang darating na hindi mo ine-expect na haharapin mo this week. Kakailanganin mo rito ng malaki-laking halaga.

Be wise rin sa pag-spend ng iyong hard-earned money para sa pagdating ng pagsubok sa financial aspect ng iyong buhay ay ready ka.

Lucky Color: Maroon
Lucky Number: 16
Swerte Meter: 3 Stars

Basta palaging tandaan mga ka-BANDERA, ang mga nakasulat sa ChiKapalaran ay pawang gabay lamang. Pwede mong basahin, sundin, o balewalain.

Meron tayong freewill, gamitin natin.