Alden ‘rock bottom’ noong 2024; nagsalita ukol sa pressure ng lovelife

PHOTO: Facebook/Alden Richards

“KUNG meron pang mas mababa sa rock bottom, I was there.”

Ito ang matapang na pag-amin ng Kapuso hunk na si Alden Richards sa panayam ng GMA News, kung saan una niyang binuksan sa publiko ang pinakamadilim na yugto ng buhay niya noong 2024.

Ayon sa kanya, halos walang nakakaalam sa mga matindi niyang pinagdaanan.

Host ngayon si Alden ng upcoming dance celebrity competition na “Stars on the Floor,” pero sa kabila ng ningning sa harap ng kamera ay inamin ng aktor na hindi naging madali ang nangyari sa kanya noong nakaraang taon.

Baka Bet Mo: Alden Richards kinausap, niyakap ni Tom Cruise nang magkita sa Korea

“I think last year was my lowest year. Rock bottom. It took me six months to get over that,” sey niya.

Bagamat hindi raw ito clinically diagnosed, buong tapang niyang sinabi na pinagdaanan niya ang matinding depresyon.

“That was depression at its finest. That was depression. Ang galing nga eh, hindi lang halata,” pag-amin ni Alden.

Hindi idinetalye ng aktor kung ano mismo ‘yung dahilan, pero ang hindi raw niya inaakala na ang pagiging overgenerous sa mga tao ay mauuwi sa matinding kawalan.

“Inuuna ko muna lahat ng tao bago sarili ko,” bungad ni Alden.

Patuloy niya, “But last year, I think that was my breaking point kasi minsan ‘di ba tayo, we always go out of our way to help other people. Tulong, tulong, tulong. Bigay, bigay, bigay.”

“Ang nangyari sa akin, paglingon ko doon sa timba ko, wala na palang natira sa akin. And then that broke me to a million pieces,” wika pa niya.

Dahil dito, natutunan daw niyang unahin naman ang sarili. 

Ngayon ay mas pinapahalagahan na niya ang self-love sa pamamagitan ng pagtakbo, pagbibisikleta, at mga bagay na nais niyang gawin.

Hindi rin naiwasang matanong si Alden tungkol sa kanyang lovelife, pero iginiit niyang ayaw niyang dito lang umiikot ang pagkakakilanlan sa kanya.

“I don’t understand…hindi ko gets kung bakit ang mindset natin palagi na ang basis ng kasiyahan ng isang tao ay lovelife,” giit niya.

Saad pa niya, “It’s just this is my story and this is how my story to be told, not based on the presumption of other people. I’m so done with that.”

Aniya pa, “I’ve been here long enough. I know that I’ve done so much in the industry and I would like to do more in the industry right now.”