Imee Marcos tutulong na maiuwi si Rodrigo Duterte sa Pilipinas
Rodrigo Duterte at Imee Marcos
NAGTUNGO sa The Netherlands si Sen. Imee Marcos para tumulong na maiuwi pabalik ng Pilipinas si dating Pangulong Rodrigo Duterte.
Nakipag-usap si Marcos kay Atty. Nicholas Kaufman, ang pangunahing magdedepensa kay Duterte sa International Criminal Court (ICC).
Kasama si Marcos ni Vice President Sara Duterte sa pagpunta sa The Netherlands sa pagbisita ng huli sa kanyang ama.
Ayon sa senadora, sinabihan niya ang bise presidente na naiintindihan nito ang nararamdaman bunga nang pagkakahiwalay sa kanila ng ama at nangyari ito sa kanya nang mapatalsik sa pwesto si dating Pangulong Ferdinand Marcos noong 1986.
Diin nito, nagpunta siya sa The Netherlands hindi para mag-drama kundi para gumawa ng paraan upang makabalik na sa Pilipinas ang dating pangulo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.