John Cena proud maging BTS fan, ‘bias’ si j-hope: ‘They taught me self-love!’
John Cena, BTS
SINO ang mag-aakala na ang matikas at brusko na si John Cena ay isang proud fan ng K-Pop kings na BTS?
Yes, yes, yes mga ka-BANDERA, si John ay isang certified ARMY fan at very proud pa siya riyan!
Sa 2025 Fan Expo sa Texas, buong pusong ibinandera ng WWE legend at Hollywood actor na ang grupo ay naging malaking inspirasyon sa kanyang buhay, lalo na’t natutunan niyang mahalin ang sarili.
Aminado si John na dati ay hindi siya into K-Pop, pero nagbago ang lahat nang maramdaman niya ang koneksyon sa pitong miyembro ng BTS.
Baka Bet Mo: BTS Suga nag-sorry, iniimbestigahan matapos lumabag sa batas trapiko
Ayon sa kanya, hindi lang dahil sa catchy na musika nila, kundi dahil sa mensahe ng pagmamahal sa sarili.
“I gotta speak truthfully and authentically. So, J-Hope is my guy. I don’t necessarily like K-pop. But I gravitate towards BTS,” sey ng dating wrestler, habang todo-hiyawan ang fans sa kanyang rebelasyon.
Paliwanag pa niya, “What I love is people who looked and acted like they had it all, being open with their emotions in telling other people to start practicing self-love. And that hit me at a time in my life when I needed to practice some self-love.”
“What BTS specifically did for me is they found me at a right time in my life to give me hope and inspiration through who they are as people. They reached a 48-year-old dude who was struggling with self-worth. And I appreciate them for that,” dagdag pa niya.
View this post on Instagram
Kung maalala, unang nagpahayag si John ng paghanga sa BTS noong 2017, nang magbiro pa itong gusto niyang maging bodyguard ng grupo kapag nasa U.S. ang mga ito.
Bukod sa pagiging WWE superstar, umarangkada rin ang karera ni John sa Hollywood.
Ilan sa mga sumikat niyang pelikula ay “The Suicide Squad,” “Trainwreck,” “Fast & Furious,” “Argyle,” at syempre, ang “Barbie” kung saan napasayaw din siya in full pink glory.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.